Ditën e sotme, “Revistawho.com” bëri të ditur se aktori Elvis Pupa do të rikthehet pas 10 vitesh në “Portokalli”. Mirëpo lajmi është hedhur menjëherë poshtë nga vetë aktori, në një reagim në profilin e tij në “Instagram”. Elvis Pupa njofton se nuk e ka aspak ndër mend të merret me projekte artistike momentalisht, pasi ndodhet në Amerikë.
“Po me urojnë shumë miq në lidhje me një lajm që po qarkullon në internet se do të rikthehem në ‘Portokalli’. Faleminderit për dashamirësinë por unë ndodhem ne SHBA dhe nuk planifikoj të merrem me asnjë projekt artistik për momentin. I uroj çdo ‘shoë’-u suksese dhe ju bej me dije se në të ardhmen, do me shihni vetëm në projektet e mia personale”,- shkruan aktori në profilin e tij në “Instagram”.
Pas largimit nga “Portokalli”, Elvis Pupa u rikthye në ekran me emisionin e tij me titull “M’fal për shprehjen”.
