Aktori turk Mehmet Uslu ka ndërruar jetë në moshën 57-vjeçare.
Prej disa vitesh, ai ka luftuar me kancerin në mushkri, por për fat të keq e humbi betejën. Tri ditë më parë, Uslu u dërgua me urgjencë në spital ku edhe humbi jetën të dielën.
Aktori ndërroi në Stamboll, ndërsa lamtumira e fundit iu dha në vendlindjen e tij në Akşehir. Mehmet Uslu ishte prezent në sheshin e xhirimit deri në sezonin e kaluar, gjatë serialit “SOZ”.
Në vitet 2003-2004, Uslu ka luajtur në serialin e famshëm turk “Lugina e Ujqërve”, ndërsa në vitet 2013-2014 ka luajtur rolin e Selim Demirhan në Serialin “Mes dy Dashurish”, transmetuar edhe në Shqipëri.
