Një javë më parë u zbuluan disa nga emrat më të njohur të muzikës shqiptare, që do të marrin pjesë këtë vit në festivalin “Kënga Magjike”.
Ky 20-vjetor i festivalit pritet të jetë special, pasi do të marrin pjesë emrat më të mëdhenj të muzikës, mes të cilëve edhe Flori Mumajesi.
Fillimisht u zbulua se, Artiola Toska dhe Bruno do të rikthehen me një tjetër hit pas “Mirëmëngjes dashni”, ndërsa për herë të parë, Aurela Gaçe dhe Eli Fara do të bashkojnë forcat në “Këngën Magjike”.
Gjithashtu u mësua se reperi Stresi këtë edicion do të vijë me një baladë dedikuar nënës së tij dhe pas 5 vitesh mungesë do të marrë pjesë edhe Ronela Hajati.
“Prive” zbuloi edhe disa emra të tjerë të këngëtarëve pjesëmarrës.
Pas 3 vitesh mungesë tek “Kënga Magjike” do jetë i pranishëm edhe Ardit Çuni, ndërsa pjesë e skenës do të bëhet për herë të parë këngëtari i dashur për publikun, Ylli Limani. Ky i fundit ende nuk ka treguar asnjë detaj, për zhanrin e këngës me të cilën do të konkurrojë, por nga repertori i tij mendojmë se mund të jetë një baladë.
Më poshtë lista e këngëtarëve që do t’i shohim këtë vit në “Këngën Magjike”:
Flori Mumajesi
Artiola Toska dhe Bruno
Yll Limani
Ronela Hajati
Jonida Maliqi
Mentor Haziri
Klajdi Haruni
Era Rusi
Aurela Gaçe dhe Eli Fara
Fifi (bashkëpunim)
Ardit Çuni
Ylli Limani
Stresi
