Java e Modës na prezantoi me modele të reja dhe fantastike këtë vit, por gjithashtu na rikujtoi edhe disa kombinime që duhet të provojmë padiskutim këtë vjeshtë. Madje janë disa dizanje me të cilat ramë menjëherë në dashuri dhe mezi po presim t’i veshim.
E tillë është xhaketa gri me kuadrate, që këtë vjeshtë duhet ta kemi në dollap me se s’bën. Kjo xhaketë sportive e stilit të vjetër dhe shumë praktike mund të kombinohet me disa lloje veshjesh.
Për ta ilustruar dhe për t’ju dhënë një ide si ta kombonini xhaketën “must” të kësaj vjeshte revista “Glamour” ka sjellë 5 kombinime ideale dhe shumë “in” të sezoni.
1.Veshja e parë fillon me një bluze të bardhë, xhinse blu, këpucë me printe gjarpri që janë gjithashtu shumë në modë këtë sezon. Vazhdon me një çantë të badhë dhe sigurisht përfundon me xhaketën gri me kuadrate.
2.Ndryshe këtë xhaketë e kombinoni edhe me një fund me pala firzamonike vishnje, një këmishë të thjeshtë të bardhë, këpucë të zeza me takë dhe një palë vathë gjeometrikë të bardhë.
3.Si thoni për pak ngjyra të ndezura në vjeshtë? Kombinojeni xhaketën gri me një palë pantallona të lirshme të kuqe, një T shirt të bardhë, atlete metalike me paltformë dhe një palë syze të zeza.
4.Mëndafshi, beretat dhe këpucët me majë janë të gjitha trende të reja, prandaj nëse kombinoni një fustan të lehtë mëndafshi pastel me një beretë të zezë dhe me këpucë – shapka me majë, do të dukeni si një blogere plot stil.
5.Dihet që një fustan i zi është gjithmonë në garderobën e çdo femre dhe i kombinuar me një palë çizme të shkurtra të bardha me majë, një çantë të verdhë dhe një palë vathë gjeometrikë të gjatë janë kombinimi perfekt me xhaketën gri me kuadrate.
