A besoni në përralla? Me siguri mbani mend shumë nga historitë që gjyshërit apo prindërit ju kanë treguar kur kanë qenë të vegjël, me pyje të magjepsur, dhelpra apo gurë magjikë.
Po sikur t’ju themi që do të përjetoni të njëjtat kënaqësi që ndjenit atëherë? Duket e pabesueshme, por dyqani i “Swarovski”-t në Qendrën Metropol dhe TEG ka sjellë koleksionin më të ri të stinës së dimrit 2018, i frymëzuar nga përrallat mistike dhe natyra.
Drejtoresha kreative e “Swarovski”-t, Nathalie Colin ka thënë se “Natyra është një burim i pafund frymëzimi dhe tregimet janë gjithmonë pika ime e fillimit kur dizajnoj koleksionet”.
Këtë dimër ne do të hyjmë në një pyll kristalesh të magjepsur – një vend fantastik i bizhuterive verbuese, magjepsëse dhe shumë emblematike për “Swarovski”-n.
Koleksioni Dimër 2018 kombinon përrallat e frymëzuara nga pyje të mrekullueshme, ngjyra të bukura kristalesh “Swarovski”, dizajne kreative, të frymëzuara nga kafshët e pyllit që kanë fuqinë të na kapin dhe të na tejçojnë në një vend fantastik shumë larg realitetit.
Miqtë e pyjeve; ketrat, dhelprat, bufët, insektet, merimangat, fluturat, si dhe lulet i japin një identitet të fortë dhe kthesë emocionale këtij koleksioni.
Bizhuteri moderne, që shkojnë me çdo veshje në këtë stinë, me ngjyra të arta dhe intensive, nga bluja e errët te e gjelbra që tërheqin në çdo vështrim, ditë ose natë.
Flutura përfaqëson transformimin, shpresën dhe jetën, merimanga përshkruan misterin, fuqinë dhe rritjen, dhe brumbulli është simboli i rilindjes dhe rigjenerimit.
Orët fantastike të koleksionit të dimrit vijnë në tre ngjyra, e artë, rose gold dhe argjendi.
Koleksionin e ri e gjeni në dyqanin “Swarovski” në rrugën “Sami Frashëri”, Qendra Metropol dhe në TEG.
