Arian Çani do të jetë këtë fundjavë i ftuar special i emisionit “Pop Culture”, ku ka rrëfyer shumë sekrete për jetën e tij private.
Moderatorja e emisionit Dojna Mema ka bërë publike spotin e emisionit, ku duket se ka realizuar një intervistë shumë argëtuese me moderatorin e emisionit “Zone e Lirë”, madje tregon se kishte shumë të përbashkëta mes tyre.
Mirëpo Dojna kishte edhe një pyetje tejet pikante për Çanin, i cili iu përgjigj me një ftesë direkte.
“Nëse do ishe i detyruar të bashkëprezantoje me dikë tjetër, kë do zgjidhje?” – e pyet moderatorja e “Pop Culture”
“Ty! Sinqerisht” – i përgjigjet moderatori menjëherë.
Mirëpo Dojna zbuloi se nuk e braktis kaq kollaj televizionin “Top Channel”, ndaj e ftoi moderatorin në televizionin ku ajo punon.
“Pra do të vish ti në Top” – shprehet Dojna.
“Një tmerr i vërtetë…” – thonë ata të dy njëzëri, për bashkëpunimin mes tyre.
Intervista e plotë do të transmetohet ditën e shtunë gjatë emisionit “Pop Culture”.
