Mëngjesin e një shtatorit, baba e bir qëlluan për vdekje fqinjin e tyre në Texas, pas një sherri banal. Disa ditë pas tragjedisë, “Star Telegram” ka arritur të sigurojë videon e sherrit, ku zbulohet se tre fqinjët u zunë për shkak të një dysheku të hedhur në rrugë.
Është e fejuara e të ndjerit 37-vjeçar Aaron Howard, Kara Box e cila ka rregjistruar momentin kur partneri i saj qëllohet për vdekje nga John Miller, 67, dhe 31-vjeçari Michael Miller.
Debati kishte nisur disa ditë më parë për shkak të një dysheku që çifti kishte hedhur në koshin e mbeturinave përpara shtëpisë. Mirëpo babë e bir, të cilët ishin zhvendosur pranë çiftit në muajin prill, e kishin marrë dyshekun dhe e kishin hedhur sërish përpara derës së të ndjerit.
Howard i kërkoi Miller ta dërgonte sërish dyshekun atje ku e mori, por Miller refuzoi dhe nxorri pistoletën nga pantallonat e tij.
“Ai donte të mbronte mua, nipërit e mbesat si dhe të vëllain. Është e tmerrshme, nuk e besoj dot që ai iku” – tregon e fejuara e të ndjerit.
Në videon e bërë publike, shfaqen babë e bir duke i qëlluar me breshëri plumbash fqinjit të tij, i cili humbi jetën në spital. Ata u arrestuan menjëherë nga policia nën akuzat e vrasjes me paramendim të Aaron Howard.
Box, e fejuara e Howard, tregoi se vendosi ta bëjë videon publike në televizion, sepse të gjithë duhet ta dinë se Michael dhe John janë vrasës.
“Ju duhet ta vuani dënimin në burg. Jeni vrasës” – iu drejtua Box, John dhe Michael Miller.
Box është zhvendosur nga shtëpia ku humbi jetën partneri i saj.
Ndërkohë që John dhe Michael Miller janë liruar nga burgu dhe janë në liri me kusht, pasi paguan $ 25,000.
Burimi: Dailymail
