Duket se Rita Ora dhe Dua Lipa do të jenë dy rivale të përjetshme… Kohët e fundit po përflitet se dy këngëtaret me origjinë shqiptare nuk flasin më njëra-tjetrën për shkaqe xhelozie. Megjithatë ato janë shumë të dashura për publikun shqiptar që gjithmonë përkrah projektet e tyre.
Por pas lajmit për sherrin mes tyre, moderatori i njohur nga Kosova Adriatik Kelmendi vendosi të bënte një sondazh në Facebook dhe të linte ndjekësit e tij të votonin se cilën pëlqenin më shumë.
Sipas sondazhit më shumë e pëlqyer doli se ishte Rita Ora me 57 % të votave kundrejt 43 % për Dua Lipën.
Si duket Duas kjo gjë nuk i ka pëlqyer aspak dhe e ka bërë menjëherë unfollow në Twitter Adriatikun.
Këtë gjë e ka zbuluar vetë moderatori me postimin e tij në Facebook ku shkruan: “Në Kosovë e pëlqejnë më shumë Rita Orën se Dua Lipën! Rezultati i anketës: 57% pëlqejnë më shumë Ritën, se sa Duan me 43%. Por ky votim i juaji si duket nuk i pëlqeu Duas, e cila më bëri unfollow në Twitter. Tregojini që unë nuk kam faj, ju votuat”!
