Përshtatja ndaj jetës si mbretërore nuk është e lehtë dhe me sa duket Meghan Markle po shkakton probleme kur është fjala për anëtarët e rrethit të brendshëm të Harry-t për shkak të pikëpamjeve të saj.
Lady Colin Campbell, i cila ishte mbështetëse e Princeshës Diana dhe ende ka lidhje të ngushta mbretërore, është shprehur se “politika e Meghanit është problem”.
Para se marrëdhëniet e saj me Harry-n të bëheshin publike, Meghan, 37 vjeç, i doli kundër Donald Trump-it, mbështeti me vëmendje Hillary Clinton dhe kundërshtoi Brexit.
“Ajo është ultra-liberale dhe gjërat e modës së majtë nuk shkojnë mirë me disa miq të Harry-t”, tha ajo për “The Daily Beast”.
“Ai ua ka prezantuar të gjithëve Meghan-in në festa, dasma dhe darka private, por ajo është shumë kundër këtyre gjërave, pra mënyrës sesi funksionon bota e tyre”.
Që kur Dukesha 37-vjeçare e Sussex-it u martua me princin Harry në fillim të këtij viti, raportet sugjerojnë Meghan e ka humbur kontaktin me disa nga shokët e saj të ngushtë para dasmës, dhe kjo ka qenë shumë e vështirë për të.
