Ndërsa prej kohësh përflitej se moderatorja kishte vendosur që të zhvendosej nga një televizion në tjetrin, tashmë gjërat bëhen zyrtare.
Nevina Shtylla nuk do të jetë më moderatore e emisionit “Jo vetëm modë” në “TV Klan”, por është zhvendosur në “Top Channel”.
Një foto e publikuar në “Instagram” zbuloi edhe emisionin ku do të shfaqet moderatorja, pikërisht në “Procesin Sportiv”.
Ajo pozon krah Edi Manushit dhe Fjoralba Ponarit, në një foto që është postuar nga kjo e fundit në “InstaStory”.
Ndoshta këtë sezon të ri “Procesi Sportiv” do të vijë me dy moderatore, një bjonde dhe një brune. Ose Fjoralba mund të jetë pjesë e një tjetër projekti brenda televizionit. Këtë presim ta zbulojmë shumë shpejt!
