Gjykata e Fierit ka bërë publik vendimin e zbardhur që i dha lirinë nipit të ish-diktatorit, Ermal Hoxha.
Ky i fundit la qelinë e burgut të Fierit tre ditë më parë teksa i kishte mbetur edhe 1 vit e 8 muaj burg nga dënimi për dosjen “Xibraka”(kliko këtu)
Punësimi dhe sjella e mirë në ambientet e burgut, i shtuan pikë lirimit të parakohshëm të tij.
“BalkanWeb” raporton se trupi gjykues ka pranuar kërkesën e Ermal Hoxhës për pezullimin e ekzekutimit të pjesës së mbetur të dënimit të të dënuarit, me kusht që gjatë një afati prove të barabartë me pjesën e mbetur të dënimit, i dënuari të mbajë kontakte me Zyrën Vendore të Shërbimit të Provës dhe të mos kryejë asnjë vepër tjetër penale.
Ermal Hoxha u lirua me kusht dhe gjatë kësaj kohe nuk duhet të kryejë asnjë vepër penale dhe nuk duhet të shoqërohet me persona të inkriminuar.
