Sezoni i ri televiziv ka katapultuar në ekran edhe këngëtaren Jonida Maliqi. Është veta Jonida, e cila në një video të publikuar në “Instagram” zbulon se është bërë pjesë e televizionit “Top Channel” me një projekt të ri.
Videon e ka realizuar gazetari Ervin Kurti dhe në dhomë shfaqet i gjithë stafi, së bashku me gazetarin Edi Manushi si dhe Flori Gjini.
“Jonida, ç’ne me këtë projektin ti? Ka ndonjë gjë të re?” – e pyet gazetari Ervin Kurti.
Jonida Maliqi i kërkon të mos zbulojë ende asgjë, edhe përse në duar mban skaletën e re të programit ku shkruhet “TV SHOWS E DIELË”!
Ndoshta do të rikthehet emisioni i së dielës dhe Jonidën do e shohim në rolin e moderatores.
Fundja fundit, nuk është hera e parë, pasi ajo moderoi me sukses edhe një sezon të spektaklit “Dancing With The Stars” në Vizion Plus.
