Mbrëmjen e djeshme u mbajt ceremonia e ndarjes së çmimeve “Emmy Awards”, e ndër personat që u vlerësuan me një çmim, ishte edhe regjisori Gleen Weiss. Gjatë fjalimit të tij shumë emocionues, ai rrëfeu se e ëma kishte ndërruar jetë dy javë më parë dhe se e ndjera e adhuronte të dashurën e tij, Jan Svendsen, e cila ishte në audiencë.
“Jan, ti je dielli në jetën time dhe mami kishtë të drejtë kur thoshte, mos e lër asnjëherë diellin të të shpëtoj nga duart. Ti ndoshta pyet veten se përse të quaj e dashura ime? Sepse shumë shpejt dua të të quaj bashkëshortja ime.” – u shpreh regjisori Gless Weiss nga skena e “Emmy Awards”.
Kamera menjëherë projektoi të dashurën e tij, e cila dukej se ishte e shokuar nga propozimi surprizë. Regjisori i kërkoi Jen t’i bashkohej në skenë dhe e gjithë salla u përfshi nga ovacionet. Gless kishte zgjedhur një unazë shumë domethënëse, pikërisht atë me të cilën babai i tij kishte propozuar të ëmën 65 vite më parë.
“Fillimisht dua t’i them motrave dhe vëllezërve të mi, nuk e vodha sepse ma dha babi” –tregoi ai duke qeshur.
“Jan, dua të të vendos në gisht këtë unazë në prani të gjithë këtyre njerëzve dhe të nënës time. E di që edhe prindërit e tu po na shohin nga lart” – vijoi regjisori.
Teksa u ul në një gju, ai e pyeti: “Do të martohesh me mua?”
“Po, sigurisht që po” – u përgjigj e dashura e tij, Jen Svendsen teksa iu hodh në qafë për ta përqafuar.
Dhe ata jetuan të lumtur përgjithmonë! Regjisori zgjodhi që e dashura e tij të përjetonte një moment magjik, ashtu siç ndodh edhe në filma.
https://www.youtube.com/watch?v=BgPIW5Lb41A
