Justin Bieber dhe Hailey Baldwin janë fotografuar duke hyrë në një zyrë martesash në një gjykatë në New York, me sa duket për të bërë gati të gjitha përgatitjet për ditën e tyre të madhe.
Burime për “TMZ” raportojnë se Justin është prekur shumë nga kjo situatë dhe madje ka qarë përballë bashkëshortes së tij të ardhshme.
Ai madje mësohet se i ka thënë Hailey-t “mezi pres të martohem me ty zemër”, duke e bërë edhe më romantike situatën.
Nuk dihet nëse çifti nënshkroi ndonjë dokument që i bën zyrtarisht burrë dhe grua, por edhe nëse kjo nuk është e vërtetë, martesa do të ndodhë më shpejt nga sa kemi menduar.
Kohët e fundit, Justin ka qenë tepër i emocionuar madje është fotografuar duke qarë në mes të rrugës bashkë me partneren.
Një burim pranë çiftit ka zbuluar për “Daily Telegraf” se gjithçka ka lidhje me Selena-n.
Mesa duket Hailey ndihet inferiore, për ish-in e Justin dhe mendon se nuk do të arrijë ta zëvendësojë Selenën në zemrën e Justin.
Pikërisht kjo bëhet shkak për debate mes tyre edhe pse Justin përpiqet t’a ngushëllojë dhe t’i provojë se nuk ndjen më asgjë për ish-in e tij.
