Zënka midis dy artisteve me famë botërore, Cardi B dhe Nicki Minaj gjatë performancës së Christina Aguilera në festën e “New York Fashion Week” ka tërhequr vëmendjen e medias në të gjithë botën.
U tha se kjo ngjarje kishte mërzitur Christinën e cila ishte duke kënduar në atë kohë, por mesa duket nuk është kështu.
Ka qenë vetë kjo e fundit e cila në një intervistë për “Jimmy Kimmel Live” ka thënë se kjo ngjarje nuk e ka mërzitur aspak, madje e ka marrë vesh shumë vonë atë që ka ndodhur.
Fituesja e pesë çmimeve “Grammy” ka treguar se nuk ka dëgjuar për këtë ngjarje deri vonë në mbrëmje.
“Ika nga skena dhe shkova në dhomën e hotelit për t’u ndërruar, ishte grimierja ime e cila më tha se do të isha e interesuar të mësoja diçka që kishte ndodhur gjatë kohës që unë isha duke performuar në skenë”, kujton Aguilera.
Burimi: USMagazine
