West Side Family do të rikthehen sërish me një projekt të ri muzikor.
Pas këngës “Komshia”, dyshja e famshme Landi dhe Armiri kanë njoftuar se e kanë gati këngën e re që i kushtohet familjes.
“Familja, BOHU GATI! Së shpejti projekti më i ri nga WEST SIDE FAMILY”, ka shkruar Landi në Instagram.
Pavarësisht mungesës së Dr. Florit, Landi dhe Armiri duket se janë rikthyer fuqishëm këtë herë, pasi kënga mban edhe emrin e kantautorit Elgit Doda.
Pas vdekjes së Florit çunat premtuan se do të ketë edhe bashkëpunime me këngëtarë të tjerë, por jo të shtojnë një person të tretë në grup.
Dr. Flori u nda nga jeta në nëntor 2014, dhe prej vitesh grupi WSF i mungoi muzikës shqiptare deri sa u rikthyen pak kohë më parë me këngën “Beso” dhe “Komshia” që u pritën mjaft mirë.
