Na duhet ta pranojmë se ka shumë persona që janë tejet fotozhenikë dhe nuk “tremben” nga aparati fotografik edhe kur bëhet fjalë për foto me përmasat 3,5 cm me 4,5 cm. Këngëtarja Loredana Zefi është një ndër këta persona dhe nuk nguron ta shfaqë foton e pasapotës në rrjetet sociale.
Loredana shfaqet në foto me flokët e mbledhura në formën e topuzit. Me tipare të rregullta dhe sytë e shkruar, ajo pozon tejet serioze përpara aparatit.
Loredana Zefi dhe reperi Mozzik kanë paralajmëruar se do të publikojnë së shpejti bashkëpunimin e tyre të parë muzikor me titull “Bonnie and Clyde”. Gjithashtu, zogjtë e dashuruar do të bëhen shumë shpejt prindër, pasi Loredana është në pritje të ëmbël.
