Dashi
Do të jetë një javë e pasur në ide, mendime, vërejtje dhe bilance. Në këto momente do të ndieni praninë e Mërkurit në shenjën tuaj, që do t’ju bëjë të ndiheni edhe më energjikë përpos energjisë dhe inteligjencës që ju jep dielli që s’është nevoja ta reklamoni me të madhe. Të mërkurën mund të mbështeteni te hëna e plotë në shenjën tuaj që të provoni të kuptoni më mirë personat dhe situatat me të cilat përballeni, ju pëlqen ose jo. Të enjten do të jetë momenti që të reflektoni për raportet tuaja. Vini në punë kapacitetin tuaj mendor që të jeni në lartësinë e duhur, sepse nga e premtja do të keni humbur kontrollin mbi të tashmen. Vetëm ju mund t’ia dilni mbanë.
Demi
Venusi do t’ju bëjë që të tregoheni të logjikshëm, të silleni me masë dhe vendosmëri. Me pak fjalë, do të tregoheni më racionalë dhe kjo gjë ju ndihmon të keni raporte më të mira me këdo. Dhe megjithatë, duhet të bëni kujdes të premten kur Venusi, bashkë me zmbrapsjen e Saturnit do të jenë sinjali i qartë që të lindurit e shenjës së demit do ta kenë të pamundur të kuptojnë kur duhet ta bëjnë diçka konkretisht dhe të jenë optimist, të jenë të sigurt që të bëjnë zgjedhjet e duhura për të ndërtuar diçka të rëndësishme. Mos kini frikë të kërkoni një këshillë në fundjavë ose që të ndiqni shembullin e atyre që keni pranë dhe që ju ngjallin siguri.
Binjakët
Kjo do të jetë një javë pozitive për ju plot me lajme të mira, gjë për të cilën keni vërtet nevojë. Sinjali i parë i vëmendjes kozmike do t’ju vijë të martën nga Mërkuri, planeti që ju ndihmon në idetë tuaja, që ju bën të ndiheni më inteligjentë dhe që ju ndihmon të besoni dhe të shpresoni në diçka të realizueshme dhe të rëndësishme. Hëna e plotë e së mërkurës do t’ju japë forcën yjore të nevojshme dhe t’ju bëjë të vendosni se ka ardhur momenti që të përjetoni diçka të bukur dhe zbavitëse, sido që ta mendojnë njerëzit pranë jush, që tani duket se nuk po kalojnë një moment të këndshëm (këtë e konfirmon edhe zmbrapsja e Saturnit). Të enjten do të ndiheni energjikë në maksimum. E tashmja është momenti juaj.
Gaforrja
Kjo do të jetë një javë sfiduese për ju, sidomos gjatë kësaj periudhe. Duke filluar që nga e Marta, Mërkuri do të kalojë në shenjën tuaj, dhe kjo tregon se duhet të bëni kujdes me gjërat që i thoni dikujt, i cili në këtë periudhë duket se është më i vëmendshëm dhe më i ndjeshëm ndaj sjelljes tuaj. Hëna e plotë e së mërkurës mund t’ju bëjë të prireni që të shikoni gjërat negative, prandaj është më mirë që të mos ia vini veshin kësaj hëne të stonuar. Të premten, zmbrapsja e Saturnit do t’i bëjë të pasigurt dhe të pavendosur njerëzit që doni. Nuk është faji i tyre, bëhuni mirëkuptues.
Luani
Ky duket një sezon i favorshëm për të lindurit e kësaj shenje. Të martën, listës së planetëve që do t’ju ndihmojnë do t’i shtohet edhe Mërkuri. Ai do t’ju ndihmojë në planin praktik dhe ekonomik. Të mërkurën do të ndryshoni sjellje ndaj njerëzve, për të cilët duhet të bëni një ndryshim që t’i bëni për vete. Të enjten do të ndërmerrni iniciativa të guximshme edhe nën ndikimin pozitiv të Mërkurit dhe të Marsit. Por mos e ekzagjeroni, sepse e premtja mund të jetë një ditë komplekse, një moment ku përveçse do të përballeni me njerëz të pavendosur vështirë se do të gjeni një ekuilibër të mirë mes punës dhe angazhimeve. Duhet të bëni durim.
Virgjëresha
Mërkuri është planeti që ju përfaqëson mes perëndive të Olimpit, është ai që tregon fatet dhe energjitë tuaja. Ja pse fakti që ai të martën do të ndikojë pozitivisht në shenjën tuaj do të jetë diçka që do t’ju ndihmojë me siguri të ndiheni më mirë me veten dhe të tjerët. Do të gjeni logjikë dhe ekuilibër sidomos në raportet tuaja, duke qenë se do të jeni më pak të ekspozuar ndaj ngjarjeve. Të mërkurën do të ndiheni shumë energjikë kur hëna e plotë në bashkëpunim me Mërkurin dhe diellin do t’ju ndihmojë që të jeni edhe më praktikë. Të enjten do të ndieni energjinë pozitive të Marsit, i cili do t’ju ndihmojë të përballeni me situata dhe njerëz pesimistë edhe në fundjavë.
Peshorja
Yjet kanë vendosur t’ju bëjnë ta zhvendosni vëmendjen dhe energjinë te të tjerët. Kjo nuk është gjithmonë një detyrë e lehtë, por me të cilën do të provoni të përballeni. Mërkuri në shenjën tuaj do t’ju ndihmojë të kuptoni mënyrën e të logjikuarit të personave pranë jush, ndërkohë që hëna e plotë (që të mërkurën do të shkëlqejë në shenjën tuaj) do t’ju ndihmojë të merrni në konsideratë edhe raportin në çift. Mos u bëni pesimistë të premten, sidomos nëse puna nuk ju shkon ashtu si duhet. Për fat, Plutoni do t’ju japë pasionin dhe energjinë e duhur për t’i dhënë ngjyra fundjavës, e cila në të kundërt do të ishte e zbrazët.
Akrepi
Megjithëse qielli ju sjell risi të shumta, java juaj premton të mos jetë intensive. Me pak fjalë mund t’i lejoni vetes luksin që të jeni vëzhgues, pa u mërzitur asnjëherë, të një të tashmeje të trazuar, por që nuk ndikon aspak te ju. Vetëm të enjten, falë bashkëpunimit mes Marsit dhe Mërkurit, duhet të mësoni të flisni dhe të shpreheni më tepër. Bëjeni sepse çdo formë shkëmbimi ose komunikimi do të përmirësojë me siguri realitetin tuaj. Mos u druani të premten nga partneri apo njerëzit joentuziastë, por përgatituni për një fundjavë plot diell dhe energji.
Shigjetari
Njerëzit rreth jush duket se bëjnë gjithçka për të mbajtur ndezur energjinë, ose që të keni entuziazmin e duhur për të përballuar gjithçka dhe që të jeni fitues. Mbështetuni gjithmonë në ndihmën e të tjerëve, sepse në ditët në vazhdim Saturni mund t’ju krijojë vështirësi. Veçanërisht të premten, tërheqja e tij do të bëjë që të ndjeni më shumë vështirësi. S’ju mbetet veçse të përdorni inteligjencën e Mërkurit, mik të shenjës tuaj, që të bëni dallimin çfarë është e rëndësishme (dhe për pasojë meriton vëmendjen tuaj) dhe çfarë jo. Në gjithë këtë situatë, mos lini asnjëherë pas dore mirëqenien fizike.
Bricjapi
Ka ardhur koha për të reflektuar, momenti gjatë të cilit yjet ju rekomandojnë të mos veproni shumë, por të mendoni që të kuptoni më mirë iniciativat që keni ndërmarrë. Kjo do të ndodhë për shkak të ndikimit të hënës së plotë në shenjën tuaj dhe, e cila do t’ju imponojë të merrni në konsideratë çdo çështje që ka lidhje me të ardhmen tuaj. Kjo gjë do të ndodhë sidomos për shkak të tërheqjes së Saturnit, i cili do t’ju bëjë që të mos ndiheni të gatshëm për t’u hedhur në veprim. Ky është një realitet që nuk premton t’ju pëlqejë gjithmonë, por që duhet ta pranoni dhe që do t’ju sjellë diçka të çmuar, të dobishme dhe të rëndësishme.
Ujori
Megjithëse Mërkuri ju bën që të jeni më të hapur ndaj dialogut, yjet e tjera duket se preferojnë të veprojnë pa rënë shumë në sy dhe pa bërë zhurmë. Të mërkurën do të jetë dita e përshtatshme për t’iu kushtuar gjërave shpirtërore dhe mendimeve, sepse rrezikojnë të mos jenë nga më optimalet. Situata yjore paraqitet më pozitive ditën e enjte, kur bashkëveprimi mes Mërkurit dhe Marsit do t’ju ndihmojë të zgjidhni një çështje që ka lidhje me aspektin profesional. Të premten do të fillojë faza e tërheqjes së Saturnit, një fenomen i destinuar për të shkaktuar paqartësi, diçka që nuk duhet t’ju bëjë të humbisni entuziazmin ose energjinë. Nuk është ky rasti.
Peshqit
Kjo javë do të sjellë një sfidë, gjë që ju do të mund ta përballoni, falë edhe ndikimit të Venusit që nuk do t’ju sjellë lodhje ose zhgënjim çfarëdo që të ndodhë. Të mërkurën, bashkëveprimi mes Jupiterit dhe Saturnit do t’ju bëjë që të mos toleroni gjërat që ju kufizojnë dhe që ju duken të padobishme. Këtë do ta kundërshtoni me bindje, ashtu siç vetëm ju dini ta bëni. Tërheqja e Saturnit të premten do t’ju bindë për nevojën që të rebeloheni ndaj atyre që ku kundërshtojnë më kot. Është e vështirë t’ju ndalësh ose që t’ju bësh të ndryshoni mendje.
