Nisja e sezonit të ri televiziv është shoqëruar me ndryshime të shumta, duke filluar që nga programet, po ashtu edhe nga gazetarët dhe moderatorët që do të jenë pjesë e këtyre ekraneve.
Tashmë televizionet kanë publikuar video-t promovuese të programeve që do të na shoqërojnë gjatë këtij sezoni televiziv, duke na zbuluar edhe se cilët do të jenë drejtuesit e tyre. Mirëpo ende ngelet e pa qartë se ku do t’i shohim disa prej emrave më të njohur të ekranit.
Kështu ditën e shtunë “Top Channel” publikoi videon promovuese të emisionit të Luana Vjollcës, por duke mos zbuluar asnjë detaj se për çfarë bëhet fjalë. Nëpërmjet këtij postimi jepet informacioni se emisioni do të transmetohet ditëve të shtuna, dhe të gjithë hamendësuam se bëhej fjalë për “Big Brother VIP”, duke qenë se u përfol se ky emision i është besuar Luanës.
Mirëpo burime për “InTv” kanë zbuluar se Luanën nuk do ta shohim si moderatore të “Big Brother VIP”, por ajo do të vazhdojë të drejtojë emisionin “Shiko kush Luan”, i cili rezultoi mjaft i suksesshëm vitin e kaluar.
I njëjti burim ka zbuluar se ndryshe nga viti i kaluar Luana do të ketë autorësi të plotë mbi këtë emision.
