Projekti më i ri “Ftesë për pesë” mori jetë ditën e sotme në ekranin e televizionit “Top Channel”. Përgjegjësia është dyfish për Bieta Sulon, e cila jo vetëm që do të jetë autore e emisionit, por këtë sezon po e shohim edhe në karrigen e moderatores.
Ajo ka ndarë në profilin e saj në “Instagram”, një foto ku shfaqet disa momente përpara nisjes së puntatës së parë dhe duket shumë e emocionuar. Bieta rrëfen se i është dashur ta bëjë grimin nga e para, pasi është përlotur nga dhurata e partnerit të saj. Alban Dudushi, ashtu siç edhe mikesha e saj, kanë mbërritur me buqeta me lule dhe urimet më të mira për Bietën.
“Isha bërë gati për të filluar, por disa u kujdesën të na hapin edhe njëherë punë me grimin. Të dua dashuria Alban Dudushi dhe zemra ime e vogël @anurb.s ❤ Gjithsesi, fillojmë në pesë fiks.” – shkruante krahas fotos së publikuar moderatorja.
Emisioni është ideuar të vijë për publikun në formën e argëtimit dhe informacionit, ku do të përfshihen persona të famshëm si dhe njerëz të zakonshëm.
