Festivali i muzikës së lehtë “Kënga Magjike” këtë vit feston përvjetori e tij të 20-të. Një vit jubilar që pritet të shoqërohet me surpriza të shumta.
Prej vitesh pjesëmarrësit në këtë festival janë të ndarë në dy kategori, artistët e rinj dhe artistët “big”, të cilët performojnë në skenën e Pallatit të Kongreseve.
Ndërsa artistët e rinj gjykohen paraprakisht nga një juri e përzgjedhur, ku pjesë e së cilës vitet e fundit kanë qenë këngëtarja Juliana Pasha, Venera Lumani, blogeri Olti Curri, Dj Sardi, si dhe muzikanti Uliks Krajka.
Mirëpo gazeta “Express” ka mësuar se këtë vit kësaj jurie do t’i bashkohen emra të rinj, të cilët janë mjaft të njohur në muzikë.
Këngëtaret Orinda Huta, Manjola Nallbani, Orgesa Zaimi, aktori Artan Imami si dhe violonçelist i njohur Arben Skënderi janë artistët e rinj të cilët do të jenë pjesë e jurisë së “Kënga Magjike”.
