Disa ditë më parë tre anëtarët e një familjeje në Dibër të Madhe u gjetën të masakruar në oborrin e shtëpisë së tyre.
Persona të paidentifikuar kishin qëlluar mbi Amid Pocestën, bashkëshorten e tij Nazime Pocesta dhe vajzën e tyre 13-vjeçare Anila Pocesta.
Fillimisht u përfol se vrasja ishte kryer nga kunati i Amidit, mirëpo tashmë detaje të tjera kanë dalë në dritë, sipas të cilave autorja e krimit është vajza e tyre me inicialet B.P.
Ajo fillimisht ka kryer vrasjen makabre në Dibër dhe ka udhëtuar menjëherë drejt Italisë, që më pas të kthehet përsëri në vendlindje pas lajmit se familja e saj është vrarë.
Sipas Agjencisë së lajmeve “Zhurnal”, vajza është ndihmuar edhe nga dy persona të tjerë për të kryer këtë akt makabër, njëri nga qyteti i Gostivarit dhe tjetri nga Dibra. Të dy këta persona janë arrestuar dhe momentalisht janë në paraburgim.
Familja e Amidit jetonte në qendër të Dibrës dhe ata kishin vetëm pak kohë që ishin kthyer në Shqipëri për të kaluar disa ditë pushimesh në vendlindje.
Burimi: Balkanweb
