Iggy Azaela është kundër “Photoshop”-it! Pavarësisht ndërhyrjeve fizike dhe në fotografitë e mëparshme këngëtarja duket se ka ndryshuar tashmë qëndrim.
Azaela ka kritikuar revistën “Schon” pasi fotografisë së saj i ka bërë ndërhyrje me “Photoshop”.
Ndryshe nga shumë këngëtare apo modele të tjera që mund t’i preferojnë këto gjëra, Azaela është shprehur me plot besim tek vetja se i pëlqen më shumë fotografia e saj origjinale dhe jo ajo që e bën të duket më e dobët. Gjithashtu ajo ka theksuar se është e lumtur me përmasat e saj trupore.
Në rrjetin social “Twitter” ajo ka postuar fotografinë origjinale dhe të modifikuar, dhe pavarësisht kësaj ajo ka marrë mjaft komplimente nga ndjekësit e saj. Ndoshta këtë metodë e ka përdorur për të tërhequr vëmendjen, njëkohësisht për të bërë të qartë qëndrimin e saj kundër ndërhyrjeve në fotografi.
Burimi: Daily Mail
