Ish-modelja e “Icon Agency”, Amina Shena vetëm pak muaj më parë u bë nënë për herë të parë e një djali, të cilin e pagëzuan me emrin Jetnis Junior Dollapi. Një emër tepër kuptim plotë për modelen dhe familjen e saj.
Sikurse ka rrëfyer për “iconstyle.al”, emri Jetnis është trashëguar nga emri i vëllait të partnerit të saj, i cili ndërroi jetë si pasojë e një aksidenti në Tiranë, në gusht 2016.
Modelja simpatike nuk ngurron që vazhdimisht të ndajë në rrjetet sociale foto me vogëlushin e saj. Ditën e sotme ajo ka postuar në profilin e saj në Instagram një foto të adhurueshme ku shfaqet duke e mbajtur në krahë Jetnisin.
“Bota ime”, shkruan Amina në përshkrimin e fotos, ku duket se vogëlushi i saj po rritet nga dita në ditë.
Në një intervistë të dhënë pak kohë më parë për “iconstyle.al” Amina ka rrëfyer se është duke përjetuar një ndër periudhat më të bukura të jetës së saj, pavarësisht sakrificave dhe netëve pa gjumë.
