Për të gjithë ju që mund të mos e keni kuptuar ende (dyshoj shumë për këtë), nga muaji shkurt, stillistët e famshëm i prezantuan botës, trendin më të ri që pushtoi kudo pasarelat.
Nga Tom Ford, Diane Von Furstenberg, Victoria Beckham, Calvin Klein, Michael Kors, Carolina Herrera dhe shumë të tjerë, e kthyen pasarelën në një xhungël urbane kur prezantonin koleksionet më të reja, të frymëzuara nga lëkura e leopardit.
Dhe mjafton të hapësh “Instagram-in” për të kuptuar se vajzat fashioniste e kanë përqafuar menjëherë këtë trend, duke e kthyer në të preferuarën e tyre.
Mirëpo printi i leopardit nuk e ka ndërmend të largohet, ndaj mësoni mirë nga fashionistët shqiptare dhe të huaj sesi duhet ta kombinoni për t’u dukur sa më bukur.
Ariana Fejzullahu
Bashkëshortja e Ermal Fejzullahut, Ariana Fejzullahu zgjodhi të vishte trendin e vitit me një palë xhinse të shkurtra dhe sandale me takë.
Sarah Berisha
Nga ky trend, nuk shpëtuam dot as gjatë kohës që pushonim buzë detit. Pasi siç e tregon edhe fashionista shqiptare Sarah Berisha, rrobat e banjos me printe leopardi “ulërisnin” kudo nëpër “Instagram”. Dhe nuk kanë faj, shiko sa bukur duken.
Rocky Barnes
Ju paralajmëruam që në nisje të shkrimit se printi i leopardit do të kryesojë edhe gjatë sezonit të vjeshtës. Ndaj nxirrini ato çizmet që keni në dollap dhe kombinojini, ashtu siç blogerja e huaj me një palë pantallona apo edhe fund me printe leopardi.
Lori Hoxha
Në profilin e saj në “Instagram”, mund të numërosh me dhjetëra veshje ku Lori shfaqet me printe leopardi. Por e preferuara jonë mbetet ky kostum me print leopardi, pasi Lori e ka sjellë këtë trend në një mënyrë shumë të veçantë.
Alba In Lu Lu Land
Blogerja shqiptare Alba ka zgjedhur mënyrën më unike të kombinimit të printit të leopardit. Ajo mban veshur një palë pantallona të gjëra dhe të tejdukshme me print leopardi, që e ka kombinuar me një bluze dhe çantë të zezë, të së njëjtës markë, Dior.
Zaimina Vasjari
Zaimina, jo vetëm na prezantoi me kuzhinën e shtëpisë, por njoftoi ndjekësit e saj se është fanse e madhe e këtij trendi. E ulur mbi banak, ajo tregonte me krenari linjat e saj perfekte, e veshur me një fustan të stilit “Bardot” me printe leopardi.
Danielle Bernstein
Nëse nuk jeni fanse e printit të leopardit nga koka tek këmbët, atëherë bëni një zgjedhje të njëjtë me fashionisten e huaj Danielle Bernstein. Ajo ka preferuar të kombinojë xhinset blu me një çantë dhe bluze me printe leopardi.
Kylie Jenner
Nuk kishte si të ndodhte ndryshe! Edhe Kylie Jenner është prekur nga “virusi” i printit të leopardit. Në një foto në profilin e saj në “Instagram”, mbretëresha e make up-it pozonte e veshur me tuta të zeza, ndërsa në pjesën e sipërme mbante veshur një bluze me rripa me printe leopardi.
Jonida Maliqi
Është thuajse e pamundur të mos shohësh Jonida Maliqin të përqafojë trendet më të fundit të modës. Mbretëresha e stilit në Shqipëri, kishte zgjedhur një fustan poshtë gjurit, me printe leopardi, të cilin e kishte kombinuar me një pallto në ngjyrë nude dhe këpucë të të njëjtës ngjyrë. Si gjithmonë, e pagabueshme në zgjedhjet e saj!
