Na ndan vetëm një ditë nga dasma mbretërore e blogeres Chiara Ferragni dhe reperit të njohur Fedez. Çifti dhe miqtë e tyre tashmë kanë filluar të shpërndajnë në rrjetet sociale pamjet e para dhe na kanë zbuluar edhe të ftuarit të cilët do të udhëtojnë drejt Siçilisë me një avion privat të linjës Alitalia.
Gjithçka është e detajuar dhe e personalizuar, duke filluar edhe që nga sediljet e avionit ku janë vendosur kuti me dhurata për të ftuarit. Madje edhe biletat e avionit ishin të personalizuara me hashtg-un #theFerragnez.
Surpriza për dhëndrin filloi që në mëngjes. Fedez u përshëndet nga miqtë me një limuzinë të bardhë që e çoi në aeroport. Pastaj ndodhi nisja me fluturimin ekskluziv.
Sapo arriti në Siçili Fedez u mirëprit nga kukulla Chiara Ferragni dhe miqtë e përshëndetën me duartrokitje.
Në aeroport ndodhen edhe dy maskota që ngjajnë si Chiara dhe Fedez, ku të gjithë mund të bëjnë foto.
Në ceremoninë e tyre të dasmës natyrisht që do të jetë edhe djali i tyre Leone, i cili shfaqet tepër i qetë, ndryshe nga gjithë të tjerët që janë tepër të emocionuar.
