Një qytetar nga Durrësi ka akuzuar mjekët e spitalit të qytetit për neglizhencë, pas vdekjes së motrës së tij 56-vjeçare.
Ngjarja ka ndodhur tre ditë më parë në Urgjencën e spitalit të Durresit. Albert Dedej thotë se motra e tij kishte shkuar në urgjencë pasi kishte pirë një sasi medikentesh dhe për tre orë me radhe nuk është vizituar nga mjekët.
Arsyeja që ai mendon se i ka bërë mjekët neglizhentë është sepse motra e tij ishte bërë pis pasi ishte rrëzuar në një kanal në zonën e Porto Romanos.
Krahas denoncimit publik, Dedej thotë se do të bëjë denoncim edhe në policinë e Durrësit me qëllim që kjo e fundit të nisi hetimet për rastin në fjalë.
Jashtë kamerave, mjekët kanë deklaruar për “Ora News” se rasti është trajtuar me përkushtim maksimal por për fatin e keq, pacientja ka ndërruar jetë.
