Fotot e postuara në rrjetet sociale në përgjithësi janë aq perfekte saqë në jo pak raste na bëjnë të ndihemi keq për defektet që kemi në pamjen tonë.
Mirëpo një trend i fundit duket se ka pushtuar Instagram-in, ku disa personazhe të famshme kanë postuar foto në të cilat bien në sy format e tyre të kolme, apo edhe celuliti.
Të njëjtën gjë ka bërë sot edhe këngëtarja Xhesika Polo, e cila ka postuar një foto ku shfaqet me rroba banjo dhe nuk e fsheh aspak celulitin me “photoshop”.
Xhesika e ka shoqëruar këtë foto me një shkrim ku sqaron se e ka frymëzuar këngëtarja Ronela Hajati që edhe ajo të postojë një foto me rroba banjo, pa pasur komplekse për atë që do të mendojnë të tjerët.
“Askush nuk është perfekt! Duke u munduar të dukemi sa më ideal për sytë e publikut harrojmë të jemi të vërtetë…Kjo është një foto e vërtetë. Nuk paska gjë më të bukur se të jesh rehat në lëkurën tënde. (Shtysë për të postuar këtë foto mu bë Ronela Hajati me postimet e saj të fundit)”, shkruan Xhesika krahas fotos.
