Kushdo që ndoqi me kujdes spotin televiziv të “Klan” nuk mund të mos vinte dot re surprizën e re të këtij televizioni. Mesa duket, “Klan” i është rikthyer serialeve amerikane, ndaj ka vendosur që në sezonin e ri televiziv të nisë transmetimi i tre serialeve të “gatuara” nga perëndimi.
“House of Cards”, “The Blacklist” dhe “Hemlock Grove” janë tre serialet që do të nisin transmetimin në këtë televizion, nga të cilat dy janë politike dhe një është horror.
Prej disa vitesh, “Klan” hoqi dorë nga serialet amerikane, për të sjellë në ekran ato indiane dhe turke. Ndërsa nuk do të ndalet transmetimi i disa prej serialeve turke, duket se me këtë lëvizje paralajmërohet se shumë shpejt do të vijë edhe fundi i shkëlqimit të tyre në Shqipëri.
