Emri i tij nuk ka qenë shumë i njohur në Shqipëri, por Pete Davidson mori famë pas fejesës së tij me Ariana Grande-n dhe tashmë ka nisur të rrëfejë detaje tronditëse nga jeta e tij. Komediani 24-vjeçar i “Saturday Night Live” zbuloi se babai i tij zjarrfikës, Scott, vdiq gjatë sulmeve terroriste të 11 shtatorit 2001, ngjarje e cila ndryshoi jetën e tij.
Ai tregoi për revistën “Variety”, se hyri në depresion të thellë pas vdekjes së të atit dhe u përpoq që të mbyste veten kur ishte vetëm 9 vjeç.
Pete Davidson tregoi se vuan nga çrregullime të personalitetit dhe rrëfeu impaktin që pati ngjarja e rëndë, kur ishte vetëm 7 vjeç.
24-vjeçari tregoi se vendosi të bëhej komedian pas vdekjes së të atit, duke e shpjeguar kështu:
“Nëse babai im nuk do të vdiste, nuk do të isha komedian. Do të isha një punëtor ndërtimi ose në një trajner basketbolli. Kam mësuar se çfarë ishte vdekja. Kjo është diçka për të cilën nuk duhet të mësosh asgjë deri në shkollën e mesme. Të mësoja se çdo gjë mund të të merret nga duart aq herët, më dha këtë ndjesi: ‘Të shkojë në djall! Unë jam në gjendje të vazhdoj përpara, sepse gjëja më e keqe që mund të më ndodhte, ndodhi’.”
Pete u fejua me yllin e muzikës pop, Ariana Grande, 25 vjeçe, pasi i propozoi vetëm pak javë pasi ishin lidhur, ndërsa ishin në shtrat.
“Nuk doja të bëja diçka të mërzitshme. Ishim në shtrat, pasi pamë një film dhe i thash: “A do të martohesh me mua?”.
Burimi: Daily Mail
