Këngëtarja Hasley dhe G-Eazy janë sërish në krahët e njëri-tjetrit, pasi kanë vendosur t’i japin edhe një shans tjetër historisë së tyre të dashurisë!
Çifti u fotografua teksa ecnin dorë për dorë, pas festës së organizuar nga reperi Post Malone. Burime për “E!News”shprehen se ata kanë komunikuar edhe gjatë kohës që ishin të ndarë dhe se po përpiqen të zgjidhin mosmarrëveshjet mes tyre.
“Ata të dy e dinin që pas spektaklit të VMAs do të ishin të dy tek festa dhe e kishin palnifikuar që të takoheshin. Po punojnë që gjërat të fuksionojnë, por nëse nuk ja dalin, shpresojnë të mbesin miq të mirë.”- shprehen miqtë pranë këngëtarëve të hitit “Him & I”.
Pas mbrëmjes së VMAs, Hasley dhe G-Eazy e vazhduan festën në hotelin e këtij të fundit. Një muaj më parë, ata njoftuan se kishin vendosur t’i jepnin fund historisë së tyre të dashurisë si pasojë e debateve të shumta.
