Është një ditë shumë e bukur për fansat e Travis Scott, pasi reperi ka vendosur të jetë shumë bujar me ta. Travis ka nisur festën, pas suksesit të albumit të tij “Astroworld”, për të cilin u nominua edhe për çmimet “Grammy”. 26-vjeçari do të shpërblejë fansat e tij besnikë, në mënyrën më bujare të mundshme, duke dhuruar plot 100,000 dollarë.
“E di që është shumë e vështirë për ju djema, ndaj kam vendosur të hap llogarinë time bankare. Do të dhuroj rreth 100,000 dollarë për të gjithë fansat që publikojnë në Twitter, teksin e këngës Astroworld.” – shkruan reperi.
Dhe nuk vonoi shumë dhe fansat iu përgjigjën reperit. Në pak minuta, paratë nisën të shkonin në llogaritë e tyre bankare.
“Nëse Travis më dërgon një shifër me presje, të betohem që do të jap dorëheqjen në Target dhe do t’i bashkohem Forcave Ajrore” –shkruan fansi.
Dhe dëshira e tij ishte urdhër për Travis.
“Hey, sapo të hodha diçka në llogari. Shpresoj të të shoh në Forcat Ajrore” – iu përgjigj Travis, i cili dhuroi rreth 1,000 dollarë për të.
Është pak të thuash se Travis lumturoi fansat e tij.
