Thomas Markle kërkon çdo ditë vëmendjen e mediave sepse vajza e tij Meghan Markle e ka braktisur në mëshirë të fatit dhe nuk ka komunikuar me të prej momentit që ai vendosi të mos ishte pjesë e dasmës mbretërore. E për këtë arsye, Meghan eci e vetme drejt altarit, minuta përpara kurorëzimit të dashurisë me Princin Harry.
Mirëpo mediat britanike zbuluan ditën e sotme se Thomas Markle nuk kishte qenë present në dasmën e parë të Meghan me regjisorin Trevor Engleson. Ata u martuan në Jamaica në vitin 2011 dhe mesa duket, Thomas ka kursyer një biletë avioni.
Nëna e Meghan, Doria Ragland ishte e vetmja familjare e pranishme gjatë dasmës. Dhe tanimë fansat kanë kuptuar se Z. Markle nuk mungoi vetëm në një ditë të rëndësishme të vajzës së tij, por në dy të tilla.
