Ditë pas ditë, dalin në dritë detaje të reja në lidhje me masakrën në Selenicë, ku 24-vjeçari Ritvan Zykaj qëlloi për vdekje 8 të afërmit e tij.
Bazuar tek dosja hetimore e policisë, referuar edhe prokurorisë së Vlorës, masakra ndodhi për shkak të një konflikti të vjetër për vjedhje të pulave të detit, ngjarje që sipas viktimave ishte përsëritur.
“Ballkanweb” raporton se nëna e autorit Lindita Zykaj, ishte konfliktuar atë ditë me njërën nga viktimat, Vasilika Zykajn, pasi kishte akuzuar dy djemtë e saj për vjedhjen e pulave.
Gjyshi i autorit ka ndërhyrë mes tyre dhe i ka sqaruar mosmarrëveshjet që lindën në fis dhe nga diskutimi ranë dakort se djemtë nuk kishin lidhje me vjedhjen e pulave të detit.
Më pas familjarët e autorit, kanë shkuar në shtëpinë e Kujtimit, aty ku do të zhvillohej dreka familjare. Gjatë drekës, është diskutuar sërish debati për pulat e detit dhe Ritvani është shprehur dhe është ankuar shtetasja Vasilika Zykaj për çdo rast të tillë akuzonte atë me pa të drejtë.
Rreth 30 minuta para se të ndodhte ngjarja Ritvani është ngritur nga dreka dhe është larguar nga banesa e Kujtimit. Pas drekës, familjarët u ulën në verandën e banesës ku dëgjuan edhe të shtënat e automatikut.
