Një ngjarje e rëndë ka tronditur pushuesit në Shëngjin, pasi një 62-vjeçar nga Kosova, humbi jetën si pasojë e mbytjes.
Mësohet se ngjarja në fjalë është regjistruar rreth orës 13:25, në vendin e quajtur “Rana e Hedhun”.
Shtetasi 62-vjeçar, Enver Jakxhiu arriti të nxirrej me shenja jete nga uji, e më pas u transportua në Spitalin Rajonal të Lezhës, por si pasojë e gjendjes së rëndë shëndetësore nuk arriti të mbijetonte.
“Ballkanweb” thekson se në pjesën e “Ranës së Hedhun” mungojnë kullat e vrojtimit.
Ai është viktima e dytë që shënohet për këtë sezon në plazhin e Shëngjinit.
