Mëngjesin e sotëm në rrugën e Kamzës në zonën e trenit ka ndodhur një aksident i rëndë rrugor. Shoferja me inicialet R.K e cila drejtonte mjetin me targa AA071UA ka humbur kontrollin e drejtimit të mjetit dhe ka përplas një person që po drejtonte një biçikletë dhe tre këmbësore, të cilat ishin 2 vajza të mitura së bashku me nënën e tyre.
Si pasojë e këtij aksidenti të rëndë ka humbur jetën vajza 7 vjeçare, ndërsa drejtuesi i biçikletës dhe nëna e vajza tjetër 6-vjeçar janë transportuar me shpejtësi në spital. Si pasojë e dëmtimeve që kishte marrë mësohet se në spital ka humbur jetën edhe drejtuesi i biçikletës. Ndërsa mësohet se edhe vajza 6-vjeçare është në gjendje të rëndë shëndetësore.
Sipas policisë shoferja ka humbur kontrollin e drejtimit të mjetit dhe fillimisht është përplasur me biçikletën, me bordurën e rrugës dhe më pas me tre këmbësoret (nëna me dy vajzat).
Sipas “Report Tv” shoferja 38-vjeçare është identifikuar si Rozina Koleci. Një dëshmitar okular i përfshirë në këtë ngjarje është shprehur i temrruar nga ajo që ka përjetuar.
“Ne po vinim nga ura dhe pamë momentin kur makina i ra gruas me dy fëmijë. Biçikletën nuk e pashë. Në fakt makina nuk ishte me shpejtësi. U tmerruam me thënë të drejtën. Fëmija ishte i vdekur para makinës tonë. Ishin pamje të tmerrshme”, mësohet të ketë thënë një dëshmitari okular i ngjarjes.
Burimi: Balkanweb
