Ajo i tha “Po” miliarderit rumun në një dasmë intime në Las Vegas, ku të pranishëm ishin vetëm dy miqtë e tyre të ngushtë.
Dhe që nga ai moment Angela Martini dhe Dragos Savulescu na ushqejnë çdo moment me postime, ku tregojnë dashurinë e tyre të çmendur dhe pasionante. Në një bisedë me ndjekësit e saj në “Instagram”, Angela Martini ka folur për herë të parë sesi u njoh me bashkëshortin e saj.
“U njohëm në një festë që po mbahej në shtëpinë e tij në Los Angeles, në kuzhinë, në të njëjtën shtëpi ku jetojmë bashkë sot. Kjo foto është bërë mbrëmjen që u takuam për herë të parë.” – u përgjigj Angela.
Modelja me origjinë shqiptare nuk la pa renditur të gjitha cilësitë positive të partnerit, që nga inteligjenca e deri tek seksi.
“Inteligjenca e tij , burrëria, sinqeriteti, besnikëria, bujariteti,mënyra sesi ai mendon, mënyra sesi ai dashuron, stili i tij, është shumë seksi si dhe mënyra sesi më puth edhe më më prek” – tha Angela.
E pyetur nëse është e lumtur në krah të bashkëshortit të saj, Angela Martini përgjigjet: “Ne nuk jetojmë dot pa njëri tjetrin. Si mendoni ju?”
