Greqia vijon të përballet me pasojat e një prej tragjedive më të vështira të viteve të fundit, zjarret që përpinë vendet bregdetare Atika, Mati dhe Rafina.
Të shumtë kanë qenë edhe shqiptarët që janë solidarizuar me të prekurit nga kjo ngjarje e rëndë. Një prej tyre shkruan në rrjetet sociale se ka dhuruar gjak si dhe ka çuar ndihma ushqimore për 3 familje greke.
“U ndjeva kaq i lehtësuar që përmbusha misionin tim human..duke dhuruar gjak….si dhe duke çuar ndihma në 3 familje greke në fshatin Mati të Rafinës në Athinë… të cilët humbën gjithçka në zjarrin e një jave më parë!
Nuk mund ta imagjinoni se si u ndjeva kur ata nuk dinin se si të më falënderonin kur ju thashë vij nga Shqipëria…. Lotuan…dhe u ndjenë të lehtësuar…e unë i lumtur.
Shqiptarët e kanë në gjak bamirësinë!”, shkruan Pajtim Graci Kolonja, teksa publikon disa foto prekëse.
