Skandali i tradhëtisë së Tristan Thompson, pak ditë përpara se të vinte në jetë vogëlushja True, bëri bujë në mbarë mediat. Pasi lajmi u bë publik në muajin prill, Kim, Kourtney dhe Kriss udhëtuan drejt Cleveland për të qënë pranë Khloe në ato ditë të vështira. Khloe dhe Tristan janë ende bashkë dhe ai ka bërë paqe me ta. Por si ishte marrëdhënie e tyre në ditët e “nxehta”? Në një intervistë për Ryan Seacrest, Kim Kardashian iu rikthye ngjarjes së bujshme.
“Ne u ulëm dhe biseduam hapur, pas asaj që ndodhi. Disa herë kemi filmuar dhe disa herë jo, pasi Khloe donte të kishte privatësinë e saj por ne, motrat kemi diskutuar tërë kohës se çfarë duhet të bëjmë. Gjithçka erdhi shumë papritur dhe e kishim shumë të vështirë ta komentonin, pasi përfshihet edhe një fëmijë në mes dhe për këtë arsye do e komentojmë vetëm gjatë reality show-t” – tregoi Kim Kardashian.
Kim tregoi se kanë filmuar gjatë kohës që Khloe ishte duke lindur dhe se do të shfaqet gjatë sezonit të 15 të “Keeping Up With The Kardashian.”.
“Ne u nisëm drejt Cleveland dhe Khloe shkoi menjëherë në spital sepse i erdhën dhimbjet e lindjes. Kris u largua, e u nis me një tjetër avjon sepse nuk donte që të tjetër ta merrnin vesh se ajo po lindte. Ishte një vendim idiot! Ne duhet të ishim të gjithë bashkë për ta kaluar këtë gjë! U bëmë lëmsh nga stresi dhe krijuam shumë dramë” – përfundoi Kim.
