Elvana Gjata ka ndarë me ndjekësit një moment tejet gazmor gjatë xhirimeve të videoklipit për këngën “Mike”, që ishte një bashkëpunim me John Shahun dhe reperin Ledri Vula.
Teksa priste të niste xhirimet, Elvana ka përfituar nga momenti për të aktruar pak, duke argëtuar të pranishmit. Ajo vendoset në rolin e një mamaje tipike shqiptare, e cila në një anë mallkon të bijën që nuk vjen në shtëpi, e nga ana tjetër bekon familjen e fqinjes.
“Elëvana, Elëvana hajde në shtëpi, të shtifsha në dhe, të bëfsha gropën.
Zana si je? Të bekoftë zoti ty dhe familjen tënde, uaaa sa bukur dasma pashë fotot..”
Elëvana, do të viii atjeee” – shprehej plot humor në video Elvana Gjata.
Nuk e dimë nëse ky është një moment i shkëputur nga fëmijëria e këngëtares shqiptare, apo Elvana është frymëzuar nga nënat shqiptare.
