Një lajm i mirë vjen nga aktorja e dashur turke, Ozge Ozder e cila u bë e njohur në serialin turk “Shtëpiake të dëshpëruara”, me rolin e saj si Emel.
Aktorja ka kurorëzuar në martesë historinë e saj të dashurisë me këngëtarin turk Sinan Guleryuz.
Ajo shfaqej shumë e lumtur, e veshur me një fustan të bardhë, tejet të thjeshtë, teksa flokët i kishte preferuar t’i mbante të lëshuara.
Në dasmën e çiftit të njohur ishin të ftuar disa aktorë shumë të famshëm si Gözde Kansu, Begüm Birgören, Aslı Tandoğan, Nebahat Cehre e shumë të tjerë.
Madje çifti kishte rezervuar edhe një kërcim shumë të veçantë për të gjithë të pranishmit në dasmën e organizuar në Stamboll.
