Christian Dior është shprehur se parfumi tregon për një njeri, më shumë se shkrimi i tij. Po t’i referohemi kësaj shprehjeje, atëherë duhet të kemi tepër kujdes në zgjedhjen e parfumeve. Nëse doni të jeni të veçantë, ja disa parfume që janë unike, jo vetëm për aromën e tyre, por edhe për formën e dizajnin e shishes, madje dhe në historinë se si janë krijuar.
Boadicea the Victorious
Një brend uniseks që bashkon traditën, trashëgiminë dhe luksin klasik me modernen. Frymëzimi për këtë brend është marrë nga tradita dhe historia britanike, nga mbretëresha luftëtare Boadicea. Disa nga parfumet më të mira të këtij brendi janë:
Blue Sapphire (Safiri blu)
Frymëzuar nga 65-vjetori i martesës së mbretëreshës Elizabet II me princin Filip, ky parfum është simbol i elegancës dhe aristokracisë. Shishja e këtij parfumi e përfaqëson më së miri emrin dhe simbolikën e kësaj linje. Veç ngjyrës blu mbretërore dhe asaj prej ari, në mes është i vendosur dhe një gur i çmuar safiri blu.
Glorious
Nuk kishte si të merrte emër tjetër, duke iu referuar lavdisë së mbretëreshës Boadicea dhe vendosmërisë së saj për të korrur sukses. Dëshira ishte të krijohej një aromë që do e magjepste atë që e përdorte.
Jubilee
Linja “Jubilee” u emërtua gjithashtu në sajë të diamantit të mbretëreshës Elisabet në 1977. Sjell një ndjenjë të traditës dhe jetëgjatësisë.
Imperial
“Të mos kesh frikë se vihesh re”, kjo është ajo që përfaqëson linja në fjalë. Siç e sygjeron edhe emri, është një fragrancë që tregon autoritet, por edhe një ndjeshmëri të rafinuar.
Parfums d’Orsay
Shtëpia e parfumeve “Parfums d’Orsay” është një linjë e vërtetë aristrokate nga Franca. Filozofia e saj bazohet tek cilësia, karakteri, joshja, kreativiteti dhe origjinaliteti. Prodhuesit janë shumë krenarë për traditën dhe trashëgiminë e tyre.
Edhe pse shtëpia nuk i përkiste vetë kontit të Orsay, parfumet e tij dhe ajri romantik që përcillte emri, i dhanë jetë kompanisë, e themeluar në vitin 1908 me qëllim që të ruhej tradita e këtyre parfumeve dhe të zhvillohej një “fole” aristokrate parfumesh luksoze mbi këto baza.
Themeluesit nuk u kursyen në krijimin e imazhit të brendit; përbërës të cilësisë më të lartë, shishe kristali, fabrika private për prodhimin e parfumeve. Kjo solli rezultate suksesi.
Konti i Orsay ka qenë imazhi i shtëpisë që nga themelimi i saj. Historia e tij legjendare e dashurisë, eleganca fisnike dhe shija e rafinuar, ishin mënyrat më të mira të reklamimit të produkteve të tyre.
Le Galion
Emri i këtij brendi të bukur, i inspiruar nga anijet madhështore të lundrimit, të çon drejt mendimeve të lirisë. Në vitin 1980 “Le Galion” iu shit një grupi amerikan. Nga menaxhimi i keq, kompania u mbyll herët. Bashkë me të iku edhe imazhi i Francës dhe i parfumit, një imazh i klasit dhe cilësisë. Për më shumë se 30 vite më vonë, si një feniks, shtëpia e parfumeve “Le Galion” rilindi nga hiri. U rikthyen fragrancat origjinale, të rralla, luksoze dhe të sofistikuara.
Casamorati
Fabrika e parfumeve “C.Casamorati”, u themelua në Bolonja të Italisë, diku nga viti 1888, e specializuar në aromat e cilësisë më të lartë. “Casamorati” është frymëzuar nga arti antik i parfumeve italiane dhe rikthen historinë e shtëpisë së famshme që ka krijuar aroma që nga shekulli XVIII deri në shekullin e XIX.
Koleksioni i parfumeve përfshiu fillimisht 6 fragranca. U prezantuan dy e nga dy, duke fillluar që nga viti 2009 (“Mefisto” dhe “Fiore d’ Ulivo”) . “Fiero” dhe “Bouquet IDEALE” janë publikuar në vitin 2010, ndërsa botimet e tjera janë “Lira” dhe “Regio”.
