Kur Meghan Markle të festojë ditëlindjen e saj të 37-të me 4 gusht, padyshim që do të përkëdhelet me shumë dhurata dhe dashuri nga bashkëshorti i saj Princi Harry si dhe anëtarët e tjerë të Familjes Mbretërore, përfshirë këtu edhe Mbretëreshën Elisabeth.
Por 5,495 km larg saj, atje në Meksikë po qëndron babai i saj me zemrën e thyer. Në një intervistë për “The Mail Online”, ai u shpreh se Meghan po sillet në mënyrë të tmerrshme me të dhe se ka frikë se nuk do të dëgjojë më kurrë nga vajza e tij.
Thomas nuk e ka dëgjuar zërin e vajzës prej më shumë se 10 javë, e duket se ky është ndëshkimi i saj për mungesën e tij në dasmën mbretërore dhe për gënjeshtrat që ai sajoi.
“Jam shumë i lënduar që ajo ka shkëputur çdo lloj lidhje me mua. Më parë kisha numrin e saj të kontaktit, por tani nuk kam më asgjë sepse përmes atyre numrave nuk lidhem dot më. Nuk ka më asnjë mënyrë sesi të komunikoj me time bijë. Është ditëlindja e saj me 4 gusht dhe dua t’i nis një dhuratë. Por nëse ja dërgoj në Kensington Palace, jam e sigurtë që do të jetë një dhuratë më shumë nga ato që do të marrë dhe ndoshta nuk do e shoh më kurrë. Më mirë të kisha vdekur, e të mos i shihja këto ditë” – u shpreh Thomas Markle.
Së fundmi, burime pranë Dukeshës së Sussex Meghan Markle u shprehën se i ati i saj ka gënjyer për gjendjen e tij shëndetësore që të mungojë në dasmë, pasi gëzon shëndet të plotë.
