Jahti më i madh në botë zbarkon në Gjirin e Sarandës. Lajmin e bën me dije vetë kryeministri Edi Rama përmes një videoje të publikuar në Instagram ku nuk ka fshehur dot entuziazmin.
“Jahti më i madh në botë sot në gjirin e Sarandës. Deri pak vjet përpara as mund të imagjinohej fluksi i jahteve që po vizitojnë këtë sezon Shqipërinë”, shkruan kryeministri por pa zbuluar emrin e jahtit dhe pronarin e tij.
Një orë më vonë, misteri u zbulua nga gazetari Eni Shehu: bëhej fjalë për jahtin 500 milionë dollarësh të miliarderit rus, Andrey Melnichenko. Gjatësia e Sailing Yacht A është 143 metra. Sipas Forbes, Melnichenko renditet i 88- ti në botë për nga pasuria.
