Aktorja argjentinase Luisana Lopilato dhe këngëtari kanadez Michael Buble janë bërë prindër për herë të tretë.
Përmes një foto ku shfaqte dorën e vogëlushes, Luisana shkruante plot emocion se ardhja në jetë e vajzës së tyre të parë ua ka mbushur zemrën plot me dashuri.
“Si ta shpjegoj atë që po na shpërthen zemra nga lumturia? Që nuk na mjaftojnë orët e ditës për ta përkëdhelur. Falenderoj Zotin që na bëri këtë dhuratë të mbushur me jetë dhe lumturi! Sepse të shohësh sytë e saj është njësoj sikur të shohësh vet qiellin! Të duam në pafundësi, të prisnim… na dhe dritë, shpresë dhe në fund je dhe do të jesh jeta e shpirtit tonë,” – shkruante Luisana.
Në mujin shkurt, çifti, që ka edhe dy fëmijë Noah, katër vjeç dhe Elias, dy vjeç, njoftuan se mezi prisnin të vinte në jetë vajza e parë e familjes.
“Nuk e kam thënë asnjëherë në publik, por jam shumë i lumtur dhe i emocionuar sepse do të bëhem shumë shpejt me vajzë” – u shpreh më herët Michael Buble.
Dy vite më parë, familja e Buble përjetoi një ndër periudhat më të vështira me djalin, Noah, i cili vuante nga kanceri në mëlçi. Buble njoftoi se do të tërhiqej nga muzika, për t’ju përkushtuar familjes.
