Dhjetëra të mitur u përballën me një surprizë të pakëndshme në aeroportin e Rinasit, teksa kryenin procedurat për të udhëtuar me avion.
Edhe përse ishin të pajisur me prokurë të posaçme, me pëlqimin e prindërve dhe me biletë vajtje-ardhje, siç e parashikon ligji, policia kufitare i ka ndaluar udhëtimin.
Burime për “Top Channel” shprehen se ky urdhër lidhet me masat ndaj azilkërkuesve, pasi shumë fëmijë, braktisen në vendet e Bashkimit Europian dhe kërkojnë azil.
Mirëpo, policia e shtetit nuk ka bërë asnjë informim publik, për këtë masë që po meret për herë të parë në Shqipëri.
Urdhëri i ri ka shkaktuar edhe dëme ekonomike tek të gjitha familjet që kishin parashikuar të dërgonin fëmijët e tyre jashtë vendit.
Qytetarë të shumtë janë ankuar pranë komisariatit të policisë së Rinasit, por efektivët janë të detyruar të zbatojnë udhëzimin e drejtorisë së përgjithshme të kufirit.
