Pak ditë më parë, u bë publik lajmi se balerini me famë ndërkombëtare Kledi Kadiu do të jetë pjesë e jurisë së spektaklit “Dance With Me”.
Ndaj siç konfirmon edhe revista “Class”, juria e spektaklit “Dance With Me 5” do të përbëhet nga Kledi Kadiu, Valbona Selimllari dhe Robert Aliaj.
Mirëpo si ka reaguar Albi Nako për këtë zëvëndësim të tij nga produksioni?
Mësohet se ishte vetë koreografi Albi Nako që ka kërkuar të tërhiqet nga juria në këtë spektakël, pasi ky pozicion krijon konflikt interesi me konkurrentët që përgatiten prej tij në sallën e vallëzimit gjatë javës.
Ndaj Albi ka kërkuar të qëndrojë në prapaskenë dhe të vijojë punën si Drejtor Artistik i programit, duke përgatitur koerografitë e VIP-ave që do të performojnë çdo të hënë, konfirmon revista “Class”.
