Duhej të ishin ditët më të lumtura që do të kalonin pas martesës, por një nuse irlandeze mbeti e plagosur në Muajin e saj të Mjaltit në Greqi, ndërsa burri i saj është shpallur i zhdukur pas zjarrit që pushtoi zonat bregdetare.
Zoe Holohan dhe Brian O’Callaghan-Westropp ishin martuar në Irlandë të enjten e kaluar dhe kishin qenë Muajin e Mjaltit në afërsi të qytetit të Matit, zona më e prekur nga zjarri që vrau të paktën 76 persona.
Çifti u largua nga zjarret që shkatërruan qytetin kur Zoe, e cila punon në Independent News & Media, and Brian, një menaxher në Dublin, humbën gjurmët e njëri-tjetrit.
Ajo mori lëndime nga zjarri por u trajtua natën e kaluar në një spital lokal, ndërsa familja dhe miqtë presin me padurim për lajmin e vendndodhjes së Brian.
Numri i të vdekurve nga zjarri ka arritur në 76, duke përfshirë edhe fëmijë të vegjël.
Dhjetë turistë u mbytën kur u ankorua një anije që përpiqej t’i shpëtonte nga zjarret.
Një numër i madh pushuesish dhe vendasish u dogjën të gjallë, disa prej të cilëve u mbërthyen në makinat e tyre gjatë trafikut, pasi qindra u përpoqën të iknin nga zjarri i cili përpiu më shumë se një mijë shtëpi.
