Ndërsa presim të njihemi me programacionet e reja në sezonin e ri televiziv, ende vijojnë lëvizjet e figurave të njohura të ekranit.
“Politiko.al” shkruan se gazetarja Eni Vasili , drejtuese e emisionit “Studio e Hapur” do të largohet nga “News 24”.
Sipas portalit, Vasili është duke negociuar me televizionin e ri “A2” i cili ende nuk e ka nisur transmetimin.
Nuk e dimë nëse ajo do të vijojë të drejtojë “Studio e Hapur” në televizionin e ri apo do të vijë me një format tjetër.
“Studio e Hapur” transmetohet prej disa sezonesh në “News 24’”, ndërkohë që në sezonin që sapo u mbyll Vasili mori hapësirë të konsiderueshme televizive.
