Rreth 74 persona mbetën të vdekur, pasi zona e njohur si Atika në Greqi u përfshi nga flakët, ndërkohë që 188 persona raportohen se janë të plagosur.
Televizioni grek “Alpha” ka bërë një përmbledhje të raportimeve të djeshme, ku shfaqen tre gazetarë në vendngjarja momente përpara se të shpërthenin flakët.
Një nga gazetarët po raportonte LIVE, teksa flakët po përhapeshin me shpejtësi dhe niset duke vrapuar me persona të tjerë për të shpëtuar.
Sakaq, dy autobuzët që ndodheshin për të evakuar disa nga banorët, u detyruan të largoheshin bosh pasi flakët po bëheshin të rrezikshme edhe për ta.
Ndërsa, gazetarja greke raporton një ndër momentet më të vështira. Ajo shprehet se dy gra, ishin djegur së bashku me fëmijët e tyre të përqafuar.
Zjarrfikësit janë ende duke punuar për neutralizimin e çdo vatre, ndërsa vazhdojnë të kërkojnë në çdo makinë të shkrumbuar për trupa të djegur, ku vetëm pak minuta më parë raportohet se janë gjetur edhe dy trupa, një i moshuar dhe një grua e cila thuhet se ka qenë shërbyesja e tij, të dy të djegur brenda një makine.
Ndërsa forca të shumta të policisë, mjekë e persona të tjerë, janë duke transportuar të gjithë të lënduarit dhe të mbijetuarit për t’u dhënë ndihmën e nevojshme.
Ende ka shumë persona të cilët janë shpallur të humbur.
Tragjedia ne Greqi on Vidnews.
Tragjedia ne Greqi, si u shpëtuan njerezit on Vidnews.
Burimi: Panorama
